الهاتف:
01225522706 - 01222224501 - 035570985
العنوان:
260 برج عباد الرحمن - الملك حفني اعلي بن الخشاب سيدي بشر بحري
حوار: حسن الشحات
كتب: نبيل حسنين
يُعد حسام باولو واحدًا من أبرز المهاجمين في تاريخ الدوري المصري خلال العقد الأخير، بعدما توج بلقب هداف الدوري لموسمين متتاليين، رغم تواجده في أندية متوسطة، بخلاف نادي الزمالك، اليوم، نفتح معه ملف الطموح والواقع، ونتحدث عن الكرة الشاطئية، و عن إمكانية عودته للدوري الممتاز .
س: كابتن حسام، تصريحاتك إنك قادر تلعب في الدوري الممتاز، عندك تدريب يومي ولا تجهيز خاص؟
ج: ورا الكلام ده حلم وأمل، وكل ما تحافظ على نفسك تقدر تكمل، أنا بلعب حاليًا في دوري الدرجة التالتة، وهداف المجموعة، رغم إن الملاعب سيئة جدًا، الحمد لله التهديف موجود عندي، بص مين هداف الدوري دلوقتي، إمام عاشور، وده لاعب وسط، فين المهاجمين اللي كانوا بيجيبوا 40 و50 هدف، ما بقوش موجودين، أنا بلعب ببلاش، ورغم كده بقيت هداف
س: ليه فجأة اتحولت من كرة القدم العادية للكرة الشاطئية؟
ج: أول معسكر ليا مع المنتخب كان وأنا في الترسانة، قبل بطولة إفريقيا، لما بدأت ألعبها حسيت إن عندي القدرة على التهديف، وفهمت قوانينها، هي أصعب من الكورة العادية، كنا بنتمرن ساعة على الرمل، وبعدها اللعيبة كانت بتحتاج تنام يومين من التعب، التدريب يومي ساعتين، ومرهق جدًا
س: بتفضل أي فترة في مسيرتك: الزمالك، الداخلية، ولا سموحة؟
ج: طبعًا الزمالك نادي كبير، واسمي دايمًا بيرتبط بيه، بس اللي له فضل كبير عليا بعد ربنا هو أحمد تمساح في الداخلية، كان بيصنعلي كرات حاسمة كتير
س: هل شايف إن ممكن رئيس نادي من الممتاز يضمك حتى لو 6 شهور؟
ج: لو في مدرب مقتنع بيا، أكيد هيطلبني، وأنا ماعنديش مشكلة أروح وأثبت نفسي، بس لحد دلوقتي مفيش تواصل من أي نادي، ولا حتى وكلاء أو مدربين
س: في رأيك مين أفضل مهاجم في مصر حاليًا؟
ج: وسام أبو علي، ناصر منسي، حسام حسن، وأفضلهم وسام أبو علي
س: شايف إزاي صفقة انتقال زيزو للأهلي؟
ج: صفقة كويسة جدًا للأهلي، بس للأسف سيئة على الزمالك، ومش في مصلحة الفريق
س: لو كابتن حسام باولو بيلعب حاليًا في الدوري الممتاز، كنت شايف نفسك بسعر كام؟
ج: الأرقام دلوقتي بقت خرافية، زمان الكورة كانت أحسن، لكن دلوقتي اللي بيجري برقم، بمعنى إن المعيار بقى الفلوس مش الموهبة
